كل واحد فينا ليه رأيه الخاص بيه و وجهه نظره في كل المواضيع اللي بتعدي عليه في حياته؛و وجهه النظر دي بتكون نتيجه العادات والتقاليد اللي اتربي عليه أو من نازع ديني أو حتي ارتياح نفسي
و طبيعي جدا انك علي طول تلاقي أراء معارضه لرأيك
أما الرأي العام ده بيبقي نتيجه ان واحد من الناس قال رأيه في موضوع مطروح علي الساحهو يشترط في الشخص ده انه يكون موثوق فيه و في أراءه و مع مرور الوقت يبدأ الناس يقتنعوا بأي حاجه يقولها الرجل ده
و أوضح مثال علي كده هو ان معظم المصريين كانوا بيثقوا في وعود الحكومه و كانوا بيقتنعوا ان البلد بتتطور لأنهم كانوا بيسمعوا الكلام ده من وجهه نظر الحكومه في الأخبار علي الأولي و التانيه لكن مع انتشار الفضائيات بدأ الناس يفقدو الثقه في الحكومه و صدقوا المعارضه اللي بتتكلم بلسانهم أو المعارضه اللي هما فاكرينها بتتكلم بلسانهم؛ولا حد فاهم حاجه
و الحكايه دي بتفكرني أيام مكنت ضغير و كنت أتخبط في حاجه وتكون الخبطه صعبه يقوم كل اللي حوليا يضحكواعلشان يقنعوني ان الحاجه دي هي اللي المفروض تعيط مش أنا؛علشان أنا اللي وجعتها و أني بطل و طبعا كنت بصدق
كنت أهبل مش كده
1 comment:
عيب لما تقول على نفسك اهبل لا سمح الله
انت واحد من الشعب اللى كله كان اهبل واهطل وابوريالة واللى كانوا بيصدقوا خطة الاصلاح الاقتصادى والبنية التحتية وفى الاخر كلنا اكتشفنا ان الاصلاح الاقتصادى دة بياخدوه من جيوب الملايين الجعانة وان البنية التحتية اللى بيقولوا انهم صرفوا عليها ملايين طلعتهم كدابين وانفجرت كل مواسير الصرف الصحى ومواسير المياه
والكهرباء ابت الا ان تنقطع عشان ياكدوا لنا ان مافيش نيلة تحتية
وبالمناسبة اشكرك على تليقك على مدونتى
Post a Comment